Baada ya juzi kuifungia timu yake bao pekee kwenye mchezo wa Ligi ya Mabingwa Afrika dhidi ya St Louis ya Shelisheli, mshambuliaji wa Yanga, Juma Mahadhi, amesema bao hilo litamfungulia akaunti ya mabao kwenye michuano hiyo msimu huu.
Bao hilo la dakika ya 67 liliiwezesha Yanga kuibuka na ushindi wa 1-0 katika Uwanja wa Taifa na kujiweka matumaini ya kusonga mbele.
Mahadhi aliyeimarisha kiwango chake tangu kuanza kwa mwaka 2018 amesema kuwa amejisikia furaha kuifungia timu yake bao pekee katika michuano hiyo.
"Nimefurahi sana, ndoto yangu ni kuendelea kuifungia Yanga kwenye michuano hii," alisema Mahadhi.
Aidha, alisema licha ya ushindi huo wa bao moja, ana uhakika timu yake itawan'goa wapinzani wao hao kutoka Shelisheli
"Tunajipanga kwa mchezo wa marudiano, naamini tutasonga mbele, " alisema Mahadhi.
Mahadhi aliichangamsha safu ya ushambuliaji ya Yanga katika mchezo huo baada ya kuingia kwenye dakika ya 64 kuchukua nafasi ya Ibrahim Ajib.
Mashabiki wengi wa Yanga wanatamani kumuona mshambuliaji huyo akipata nafasi zaidi kwenye kikosi cha Yanga kutokana na kasi yake kuwasumbua walinzi wa timu pinzani.
Bao hilo la dakika ya 67 liliiwezesha Yanga kuibuka na ushindi wa 1-0 katika Uwanja wa Taifa na kujiweka matumaini ya kusonga mbele.
Mahadhi aliyeimarisha kiwango chake tangu kuanza kwa mwaka 2018 amesema kuwa amejisikia furaha kuifungia timu yake bao pekee katika michuano hiyo.
"Nimefurahi sana, ndoto yangu ni kuendelea kuifungia Yanga kwenye michuano hii," alisema Mahadhi.
Aidha, alisema licha ya ushindi huo wa bao moja, ana uhakika timu yake itawan'goa wapinzani wao hao kutoka Shelisheli
"Tunajipanga kwa mchezo wa marudiano, naamini tutasonga mbele, " alisema Mahadhi.
Mahadhi aliichangamsha safu ya ushambuliaji ya Yanga katika mchezo huo baada ya kuingia kwenye dakika ya 64 kuchukua nafasi ya Ibrahim Ajib.
Mashabiki wengi wa Yanga wanatamani kumuona mshambuliaji huyo akipata nafasi zaidi kwenye kikosi cha Yanga kutokana na kasi yake kuwasumbua walinzi wa timu pinzani.
ADVERTISE HERE
