Wananchi bado wana kumbukumbu ya mchezo wa fainali kombe la FA msimu uliopita dhidi ya Coastal Union ambao ulimalizika kwa matokeo ya sare ya mabao 3-3 na baadae Yanga kutwaa ubingwa kwa mikwaju ya penati katika mchezo huo uliopigwa kwa dakika 120
Ndio mchezo ambao ulimuingiza matatani Msemaji wa Yanga Haji Manara ambaye amefungiwa miaka miwili na faini ya Tsh Milioni 20
Leo Yanga inacheza tena na Coastal Union katika mchezo wa ligi kuu unaopigwa palepale kunako dimba la Sheikh Amri Abeid
Kwa hakika hautakuwa mchezo mwepesi, wachezaji wa Yanga wanapaswa kupambana kwelikweli zaidi ya walivyofanya kwenye FA ili kuweza kuondoka na ushindi
Makosa yaliyojitokeza kwenye safu ya ulinzi katika mchezo uliopita, hayapaswi kurudiwa tena
Safu ya ushambuliaji inapaswa kuwa na ukatili leo, kutumia kila nafasi wanayotengeneza
Ni wazi inaeleweka mchezo utakuwa wa aina gani hasa ukizingatia kinachoendelea sasa kati ya Yanga na yule Shabiki Namba Moja wa Coastal Union..!
