Ukweli ni kwamba Yanga ilistahili kuondoka na ushindi mnono zaidi kwenye mchezo wa ligi kuu dhidi ya Polisi Tanzania ambao ulipigwa uwanja wa Sheikh Amri Abeid hapo jana
Yawezekana haikuwa siku nzuri kwa mwamuzi Ramadhan Kayoko aliyesimamia mchezo huo
Yapo matukio ambayo Yanga haikutendewa haki, kama Yanga isingepata ushindi jana pengine mjadala ungekuwa mkubwa sana siku ya leo
Mayele alifunga bao halali akipokea pasi kutoka kwa Heritier Makambo lakini katika hali ya kushangaza Kayoko alilikataa bao hilo na zaidi akampa Makambo kadi ya njano kwa tukio ambalo alimzidi nguvu mlinzi wa Polisi Tanzania aliyekuwa akiwania nae mpira
Matukio mengine ni pamoja na lile la Mayele kufanyiwa madhambi wakati akielekea langoni lakini yeye ndiye akapewa adhabu badala ya mlinzi wa Polisi Tanzania
Shuti la Bernard Morrison ambalo liligonga mwamba wa juu ni dhahiri mpira ulivuka mstari wa lango lakini mwamuzi 'akalipotezea' kabla ya Mwamnyeto kufunga bao la ushindi dakika chache baadae
Mapema kabla ya ligi kuanza, Bodi ya Ligi ilijipambanua kuwa msimu huu hawatarajii makosa mengi ya waamuzi kwani wamefanyia kazi changamoto hiyo
Lakini hali ni tofauti katika mchezo wa kwanza kabisa makosa yaleyale yaliyoonekna amsimu uliopita, yameanza kuonekana tena
Ni bahati mbaya zaidi kwa Yanga kwani wao wamekuwa wakiathiriwa sana na makosa haya yanayoitwa ya kibinadamu
