Kama ilivyokuwa msimu uliopita, jana Yanga ilihesabu taji la kwanza msimu huu kwa kuichapa Simba mabao 2-1 na kutetea Ngao ya Jamii
Rais wa Yanga Injinia Hersi Said amesema ushindi dhidi ya Simba ni mwanzo tu, wamedhamiria kuendeleza rekodi yao waliyoweka msimu uliopita kwa kutopoteza mchezo
"Tunashukuru kupata ushindi huu, umetuongezea morali kuelekea msimu mpya. Unbeaten inaendelea na safari hii itakuwa bora zaidi kuliko msimu uliopita," alitamba Hersi
Mabao mawili ya Fiston Mayele yalitosha kuihakikishia Yanga ushindi huo muhimu na kuwazima watani zao Simba ambao kabla ya mchezo walikuwa wakitamba kumaliza mchezo huo mapema
Walipofunga bao la kuongoza kwenye dakika ya 16 presha ilikuwa kubwa kwa Yanga lakini mabadiliko aliyofanya Nabi kwenye kipindi cha pili kwa kuwaingiza Jesus Moloko na Bernard Morrison yalikuwa na faida kwa Yanga kwani nyota hao waliwapa wakati mgumu walinzi wa pembeni wa Simba na kuwafanya wasipande kama walivyofanya kwenye kipindi cha kwanza
Kama Mayele angekuwa makini pengine jana angekuwa mchezaji wa pili kufunga hat-trik kwenye mchezo wa dabi baada ya Abdallah Kibaden
Yanga sasa inahamishia nguvu zake kwene ligi ambapo kikosi kinaelekea Arusha kwa ajili ya mchezo dhidi ya Polisi Tanzania ambao utapigwa Jumanne August 16 katika uwanja wa Sheikh Amri Abeui
