Wiki ya Mwananchi imemalizika, Kocha Mkuu wa Yanga Nasreddine Nabi na vijana wake wamerejea mazoezini Avic Town kujiandaa na mchezo wa Ngao ya Jamii dhidi ya Simba
Mchezo huo utapigwa Jumamosi, August 13 katika uwanja wa Benjamin Mkapa
Huu ni mchezo muhimu sana kwa Yanga katika mkakati wa kutetea mataji yote waliyoshinda msimu uliopita
Wachezaji wa Yanga wanafahamu ni kwa kiasi gani mashabiki wao wameumia baada ya kupoteza mchezo wa Wiki ya Mwananchi kwa msimu wa pili mfululizo
Ushindi siku ya Jumamosi utarejesha furaha ya Wananchi na utakuwa mwanzo mzuri kuelekea msimu mpya wa ligi kuu kama ilivyokuwa msimu uliopita
Nabi amesema watakuwa na muda mzuri wa kujiandaa na Ngao ya Jamii pamoja na ligi ambapo Jumanne ijayo August 16 Yanga itakuwa mkoani Arusha kumenyana na Polisi Tanzania katika mchezo wa kwanza wa ligi msimu huu
