Kiungo wa Yanga Stephane Aziz Ki amesema hayakuwa matokeo waliyotarajia kwa kupoteza mchezo dhidi ya Vipers Fc kwenye kilele cha wiki ya Mwananchi
Aziz Ki ambaye ilikuwa mara yake ya kwanza kuitumikia Yanga mbele ya mashabiki, amesema ni furaha kwake kupata nafasi hiyo
"Ni mchezo wangu wa kwanza, nimejitahidi kufanya kilicho bora, lakini bado ni mapema. Bado sifahamu vyema mazingira ya ligi ya hapa, muhimu tuna timu nzuri na nafikiri nitafanya kazi zaidi ili kuwapa mashabiki kile wanachotarajia kutoka kwangu," alisema Aziz Ki
Katika mchezo dhidi ya Vipers Fc, Aziz Ki alicheza kwa takribani dakika 45 za kipindi cha pili
Bado ni mapema sana kuzungumzia uwezo wake lakini hakuna shaka ni mchezaji anayekwenda kuongeza ubunifu kwenye safu ya ushambuliaji ya Yanga
