Kocha Mkuu wa Yanga Nasreddine Nabi ametamba na usajili wa kiungo Gael Bigirimana akibainisha kuwa wamepata mtu hasa
Baada ya kucheza barani Ulaya kwa zaidi ya miaka 10, Bigirimana amesajiliwa na Yanga katika dirisha hili la usajili ikiwa ndio klabu yake ya kwanza kucheza barani Afrika
Wiki moja ya mazoezi imemtosha Nabi kubaini Bigirimana ni mchezaji wa aina gani na upi utakuwa mchango wake kwa Yanga
"Ni mtu aliyekamilika sana, nafikiri uamuzi wake wa kuja hapa Yanga ni kama tumepata dhahabu kubwa ambayo itatupa mabadiliko makubwa katika kikosi chetu"
"Nafikiri sio tu mashabiki wataburudika na ubora wake lakini pia hata wachezaji ambao watamuangalia kuna vitu watajifunza, anavyocheza ndivyo kiungo wa kisasa anatakiwa kucheza, ukiona jinsi anavyokaba na kupiga pasi nafsi yako inatulia," alisema Nabi
Nabi anaendelea kukiandaa kikosi chake kwa ajili ya kilele cha wiki ya Mwananchi August 06 na msimu mpya wa ligi kuu utakaoanza August 17 ambao utatanguliwa na mchezo wa Ngao ya Jamii dhidi ya Simba
