Msemaji wa Yanga aliyefungiwa Haji Manara jana alifichua uzembe uliofanywa na TFF kupelekea timu hiyo kukosa fursa ya kuingiza mashabiki kwenye mchezo wa ligi ya mabingwa dhidi ya Rivers United mwaka jana
Manara alisema licha ya Yanga kuwataarifu TFF mapema, waliandika barua CAF nje ya muda na hivyo kupelekea Yanga kuzuiwa kuingiza mashabiki katika mchezo huo ambao walipoteza kwa kufungwa bao 1-0
Tukio hilo linaweza kutafsiriwa kama hujuma kwa Yanga kwani baadae Simba walicheza, TFF walihakikisha wanaruhusiwa kuingiza mashabiki
Huu ni ushahidi mwingine kuwa Yanga imekuwa haitendewi haki na TFF katika masuala mengi
TFF ni kama mzazi ambaye anapaswa kuwa na upendo sawa kwa watoto wake wote
Hii ni taasisi iliyopewa dhamana ya kusimamia mpira wa Tanzania, hivyo haipaswi kuhusishwa na tuhuma za kuwahujumu wale inaowasimamia
Mambo haya kama yataendelea, kuna siku utatokea mgogoro mkubwa katika soka la Tanzania
