Kwa hakika Wananchi wataendelea kuikumbuka kazi nzuri iliyofanywa na mshambuliaji Yacouba Songne hasa katika msimu wake wa kwanza 2020/21
Katika msimu huo Yacouba aliibuka kuwa mfungaji bora wa kikosi cha Yanga akifunga mabao nane huku akitoa pasi za mabao sita katika msimu ambao Yanga haikuweza kufikia malengo yake
Msimu wa 2021/22 haukuwa mzuri sana kwa Yacouba kwani mwezi Novemba 2021 alipata majeraha makubwa ambayo yalimfanya asionekane tena uwanjani hadi msimu ukamalizika
Juzi Yanga imewataarifa Wanachama na Mashabiki wao kuwa Yacouba hatakuwa sehemu ya kikosi cha timu hiyo msimu ujao
Yanga itazungumza na Yacouba kuona ni namna gani wanaendelea kumsaidia wakati huu akiendelea kuimarika baada ya majeraha ambayo yalimlazimu kwenda kutibiwa nchini Tunisia
Wakati nyota huyo kutoka Burkina Faso akitoka, anaingia nyota mwingine kutoka Burkina Faso Stephen Aziz Ki
Hii tunasema 'kimetoka chuma lakini kimeingia chuma kwelikweli'. Aziz Ki ndio usajili ghali zaidi uliofanywa katika ligi kuu ya NBC mpaka sasa
Aziz Ki amekabidhiwa jezi namba 10 ambayo ilikuwa ikitumiwa na Yacouba
Wananchi watarajie kuanza kumuona Aziz Ki katika viunga vya Avic Town baadae leo, Wananchi wakianza kambi ya maandalizi ya msimu mpya
