Uongozi wa klabu ya Yanga umetangaza rasmi kuwa maandalizi ya msimu mpya pre-season, yataanza Alhamisi Julai 21, Avic Town Kigamboni
Akizungumza katika Mkutano na Wanahabari mapema leo, Msemaji wa Yanga Haji Manara amesema uamuzi wa kuweka pre-season jijini Dar es salaam umezingatia mapendekezo ya benchi la ufundi
Manara amesema wachezaji pamoja na benchi la ufundi wataingia kambini Avic siku ya kesho Jumatano, Julai 20
"Tulikuwa na msimu mrefu, hivyo ilikuwa muhimu kwa wachezaji wetu kupata muda wa mapumziko, ni haki yao. Hivyo tunatangaza rasmi kuwa pre-season yetu tutafanya jijini Dar es salaam, Avic Town"
"Tuna vifaa vyote tunavyohitaji kwa ajili ya pre-season tena tumeongeza vifaa vingine karibuni. Pia benchi la ufundi liliandaa program maalum ambazo wachezaji walipewa kuhakikisha wanazifanya wakiwa mapumziko"
"Tutafanya maandalizi yetu hapa tukisubiri kilele cha wiki ya Mwananchi ambayo ni August 06. Siku hiyo tutacheza na timu bingwa kutoka nchi ambayo tutaitangaza baadae," alisema Manara
Kuhusu wiki ya Mwananchi, Manara amesema shamrashamra zitaanza rasmi August 01. Wiki ijayo Yanga pia itatambulisha jezi mpya kwa ajili ya msimu wa 2022/23
