Afisa Habari wa Yanga Hassan Bumbuli amesema wamejipanga kuhakikisha wachezaji wapya wanapata vibali mapema ili washiriki michuano ya ligi ya mabingwa ambayo hatua ya awali itaanza mwezi Septemba
Bumbuli amesema tayari wamepata ITC za baadhi ya wachezaji wakitarajiwa kupata vibali vya wachezaji wote ndani ya muda
"Tunafahamu dirisha la usajili CAF linafungwa August 15, tuko makini kuepuka yale yaliyotokea msimu uliopita"
"Katika wachezaji tuliowasajili, Bernard Morrison hahitaji ITC kwa sababu alikuwa akicheza hapa hapa Tanzania, hatuna wasiwasi kupata ITC za Lazarus Kambole na Gael Bigirimana, tunaendelea kufuatilia ITC za Joyce Lomalisa na Stephane Aziz Ki ambazo pia tutazipata bila ya wasiwasi wowote"
"Msimu uliopita tulipata changamoto kupata ITC ya Khalid Aucho ambaye alikuwa na kesi FIFA dhidi ya timu yake ya zamani na wachezaji wetu kutoka DR Congo Fiston Mayele na Djuma Shabani. Hakukuwa na makosa yoyote upande wetu, lakini wakati huu tumejipanga kuhakikisha tunamaliza kila kitu mapema," alisema Bumbuli
