VAR kufanyiwa majaribio nusu fainali ligi ya vijana

Shirikisho la Mpira wa Miguu Tanzania (TFF) limethibitisha kuwa teknolojia ya VAR itatumika kwa majaribio katika michezo ya nusu fainali ligi kuu ya Vijana U20

Michezo ya nusu fainali itapigwa Ijumaa ambapo Coastal Union waliowaondosha Simba hatua ya robo fainali watacheza na Mbeya Kwanza waliowaondosha Yanga hatua ya robo fainali

Mchezo mwingine ni kati ya Mtibwa Sugar dhidi ya Azam Fc

Hii ni dalili njema huenda teknolojia hiyo ikatumika katika baadhi ya mechi za ligi kuu msimu ujao