Mgombea Urais klabu ya Yanga Injinia Hersi Said amesema katika kipindi chake cha uongozi kama atachaguliwa kuiongoza Yanga, atakamilisha ujenzi wa uwanja wa Kaunda ambao utachukua mashabiki 20,000
Hersi amesema hitaji namba moja kwa Yanga sasa ni kuwa na uwanja wao wa mechi kwani hawana changamoto na uwanja wa mazoezi
"Nimeahidi, afe beki afe kipa, katika muda wangu wa uongozi tutajenga uwanja ambao utachukua mashabiki 20,000. Wapo wanaohoji kwa nini tusijenge Kigamboni ambako tuna eneo kubwa, niwaambie tuna eneo zuri pale Jangwani ambalo ni rahisi kufikika kutoka maeneo mbalimbali ya jiji la Dar es salaam"
"Tumejipanga kulikamilisha hili na niwaambie tu baada ya uchaguzi kupita, tutawaleta wataalam wafanye 'feasibility study' ili kazi ianze mara moja," alisema Hersi
Katika hatua nyingine, Injinia Hersi amesema wamefanya usajili wa nyota watano wa kigeni ambao wataongeza ushindani katika kikosi
Hersi amesema watatambulisha usajili wa wachezaji wengine watatu waliobaki huku akiwahakikishia mashabiki wa Yanga kuwa wameleta watu kwelikweli
"Tunaleta kiungo mshambuliaji ambaye kacheza La Liga katika klabu ya Rayo Vallecano, tunashusha moja ya walinzi bora wa kushoto katika bara hili la Afrika, na huyo mwingine atakuwa funga kazi, CV yake ni kubwa sana (kacheza ligi kuu Uingereza!), " alitamba Hersi
