Mwenyekiti wa Yanga anayemaliza muda wake Dk Mshindo Msolla amesisitiza mshikamo miongoni mwa Wanayanga ili kuhakikisha wanayalinda mafanikio waliyopata na kuongeza mafanikio zaidi
Dk Msolla amesema baada ya mabadiliko ya Katiba ambayo yamewezesha mfumo mpya, hakuona sababu ya kuwania nafasi ya Urais kwani yeye ni muumini wa utawala bora
Aidha Dk Msolla amesema amejiridhisha na uwezo wa wagombea waliojitokeza, wanaweza kuifikisha Yanga kule ambako kila mmoja anatamani
Dk Msolla amesema hajaondoka Yanga kwa ubaya, bali ametimiza ahadi aliyotoa wakati akiwania Uwenyekiti wa klabu ya Yanga
"Sikuona sababu ya kurudisha fomu baadhi ya kujiridhisha kuwa wagombea waliojitokeza wanatosha"
"Kwa wale mnaokumbuka wakati wa kampeni nikiwa nawania Uwenyekiti, nilisema kama nitafanikiwa suala la Mabadiliko, ndani ya mwaka mmoja au miwili nitaachia madaraka kwa kuwa najua nitakuwa nimeipeleka klabu yangu katika sehemu sahihi," alisema Dk Msolla
Dk Msolla amewaasa wagombea kutochafuana wakati wa kampeni, wahakikishe wanavunja makundi baada ya uchaguzi
"Nawaasa wagombea, hakuna sababu ya kuchafuana wakati wa kampeni, Nalisema hili kutokana na uzoefu wangu, wakati nikiwa nagombea nilichafuliwa sana, hakuna sababu ya kufanya hivyo"
"Baada ya uchaguzi tuhakikishe tunaendelea kuwa wamoja kwa kuvunja makundi yetu. Ni umoja wetu ndio utakaofanya klabu yetu iweze kusonga mbele"
