Usajili wa winga Bernard Morrison unatajwa kuwa mapendekezo ya kocha Nasreddine Nabi kwa asilimia 100
Morrison ni mchezaji anayezungumzwa zaidi kutokana na kipaji chake pengine jambo pekee linalowapa wananchi mashaka ni nidhamu yake
Hata hivyo Morrison anarejea katika kikosi cha Yanga ambacho ni tofauti kabisa na kile ambacho yeye alikuwa sehemu yake kwa miezi sita
Morrison ametua Yanga ambayo msimu huu imeshinda mataji yote tena pasipo kupoteza mchezo
Yanga ambayo imejipambanua, haitegemei mchezaji mmoja. Yanga ambayo Kocha Nabi ndiye msimamizi mkuu wa masuala ya nidhamu ya wachezaji, na hana masihara
Ni wazi yapo masharti ambayo Yanga wameyaweka kwenye mkataba wa Morrison ili kuhakikisha wanamdhibiti
Lakini pia hata kwa Morrison mwenyewe atapaswa kupambana ili kupata nafasi ya kucheza kwenye kikosi cha kwanza
Hakuna haja ya kufanya utabiri, msimu utakapoanza, Morrison atahukumiwa kwa kile anachofanya uwanjani na sio historia na matukio yake ya nyuma
