Yanga iko kamili kuikabili Njombe Mji

Kikosi cha Yanga kinashuka kwenye uwanja wa Taifa leo kuikabili Njombe katika mchezo wa ligi kuu ya Vodacom mzunguuko wa 17.

Huo ni mchezo wa pili tangu kuanza kwa duru la pili.

Kuelekea mchezo huo kocha msaidizi wa Yanga Shedrack Nsajigwa amesema wamejipanga kuhakikisha wanaibuka na ushindi kwenye mchezo huo.

Katika mchezo wa kwanza uliochezwa mkoani Njombe, mYanga ilipata lipata ushindi wa bao 1-0.

Nsajigwa amesema kuwa huu ni wakati wa lala salama na kilichoko katika mipango yao ni kushinda kila mchezo.

Nsajisgwa amesema kama Yanga itashinda mechi zake zote zilizosalia zikiwamo dhidi ya vinara Simba na Azam FC, anaamini nafasi ya kutetea ubingwa ipo.

"Wachezaji wetu wanafahamu ugumu na ushindani uliopo katika ligi, tunawakumbusha kupambana katika dakika zote 90 kwa sababu tunaamini hakuna mechi nyepesi, kuhusu majeruhi, tunajua tutakavyoipanga timu na kila mchezaji aliyesajiliwa ana uwezo wa kuitumikia Yanga," alisema kocha huyo.

Baada ya mechi ya leo, Yanga itaendelea na maandalizi ya kuwakabili St Louise kutoka Shelisheli katika mchezo wa raundi ya awali ya mashindano ya Ligi ya Mabingwa Afrika utakaochezwa Jumamosi kwenye Uwanja wa Taifa jijini Dar es Salaam