Da! wachezaji 11 kuikosa Njombe Mji

Yanga inashuka dimbani kesho Jumanne kuivaa Njombe Mji kwenye mchezo wa ligi kuu ya Vodacom mzunguuko wa 17.

Mchezo huo unatarajiwa kupigwa kwenye uwanja wa Taifa kama hakutakuwa na mabadiliko ya uwanja.

Daktari wa Yanga Dk Edward Bavu amethibitisha wachezaji 11 majeruhi hawatakuwemo kwenye mchezo huo.

Hawa 11 wanaunda kikosi cha majeruhi! Kikosi ambacho kama wote wangekuwa timilifu wangeweza kushusha dozi ya maana pale uwanja wa Taifa.

1.YOUTHE ROSTAND
2.JUMA ABDUL
3.HAJI MWINYI
4.ABDALLAH SHAIBU
5.ANDREW VICENT
6.PATO NGONYANI
7.YOHANA NKOMOLA
8.THABAN KAMUSOKO
9.AMISSI TAMBWE
10.DONALD NGOMA
11.IBRAHIM AJIB

Hata hivyo kukosekana kwa wachezaji hao haiwezi kuwa sababu ya Yanga kukosa ushindi kesho.

Juzi tulishuhudia Yanga ikiibuka na ushindi wa mabao 2-0 dhidi ya Lipuli bila ya uwepo wa wachezaji hao.

Hii inadhihirisha kazi kubwa iliyofanywa na benchi la ufundi ya kutengeneza kikosi imara.

Naamini kwenye ligi msimu huu Yanga ndiyo timue yenye kikosi imara zaidi kwani imeweza kucheza michezo mingi bila ya kuwa na wachezaji wake muhimu.

Nina uhakika, sio Simba, Azam FC wala Singida United inayoweza kushuka dimbani bila ya kuwa na 'first eleven' halafu ikafanya vizuri kama ilivyo Yanga ya sasa.