Ujio wa mshambuliaji Lazarous Kambole kwenye kikosi cha Yanga ni kwa ajili ya kumpa changamoto mshambuliaji kinara Fiston Mayele
Msimu huu Mayele amekuwa tegemeo zaidi katika safu ya ushambuliaji baada ya Heritier Makambo kushindwa kufikia matarajio ya wengi
Pia ujio huo unazidi kumuweka katika wakati mgumu Makambo kwani sasa anaweza kuwa chaguo la tatu
Ikumbukwe pia Mburkinabe Yacouba Songne amepona majeraha na hakuna shaka msimu ujao atakuwa ameimarika zaidi na kurejea kikosini
Sasa Mayele, Kambole, Makambo na Yacouba watakuwa katika mchuano wa aina yake ingawa Yacouba na Kambole wana faida zaidi kwa vile wanaweza kucheza kama washambuliaji wanaotokea pembeni
Lakini pia Yanga italazimika kufanya maamuzi ya kuacha nyota mmoja wa kigeni kwani usajili wa wachezaji wanne katika dirisha hili utafanya wawe na wachezaji 13 wa kigeni
