Jana Yanga ilitambulisha usajili wa mshambuliaji Lazalous Kambole aliyetua kwa Wananchi akitokea klabu ya Kaizer Chiefs
Kambole aliitumikia Chiefs kwa misimu mitatu akitokea klabu ya Zesco United aliyoitumikia tangu mwaka 2014
Yanga ilijaribu kumsajili Kambole msimu uliopita lakini ikawa ngumu kutokana na masharti ya mkataba wake
Ni pendekezo la kocha Nasreddine Nabi, hivyo Mtunisia huyu anafahamu ni kwa namna gani atamtumia Kambole
Ametua Yanga kwa kazi moja, kuhakikisha anaisaidia kutetea ubingwa wa ligi kuu na kufanya vizuri kwenye michuano ya ligi ya mabingwa
Kambole ana uzoefu na michuano ya ligi ya mabingwa kwani amewahi kuwa mfungaji bora na anashikilia rekodi ya kufunga hat-trik ndani ya dakika tano
Ameitumikia timu ya Taifa ya Zambia, katika michezo 16 amefunga mabao saba
Kambole ni mshambuliaji aliyekamilika ni bahati mbaya wakati yuko Kaizer Chiefs hakupewa muda wa kutosha kuonyesha uwezo wake
