Yanga kukabidhiwa ubingwa Mbeya

Afisa Habari wa Yanga Hassan Bumbuli amesema Bodi ya Ligi imeridhia kuwakabidhi ubingwa wao mkoani Mbeya baada ya mchezo wa ligi kuu dhidi ya Mbeya City

Juni 25 Yanga itakuwa dimba la Sokoine kumenyana na Mbeya City katika mchezo wa mzunguuko wa 29

Bumbuli amesema watakamilisha mchezo wa mwisho msimu huu dhidi ya Mtibwa Sugar katika uwanja wa Benjamin Mkapa wakiwa na taji lao

Jana Yanga ilitwaa ubingwa wa ligi kuu kwa mara ya 28 baada ya kuichapa Coastal Union mabao 3-0 katika mchezo uliopigwa uwanja wa Benjamin Mkapa

Mabao ya Fiston Mayele (2) na Chico Ushindi yalitosha kuihakikishia Yanga ubingwa huo huku wakiwa na michezo mitatu mkononi

Yanga imefikisha alama 67 ambazo hakuna timu inaweza kuzifikia