Mabao mawili aliyofunga jana kwenye mchezo wa ligi kuu dhidi ya Coastal Union, yamemfanya Fiston Mayele kukaa kileleni katika mbio za kuwania ufungaji bora msimu huu akifikisha mabao 16
Mayele amefikia idadi ya mabao ambayo mfungaji bora wa msimu uliopita John Bocco alifikisha katika michezo 34, yeye amefunga mabao hayo katika michezo 27
Katika mchezo dhidi ya Coastal, Mayele alihusika katika mabao yote matatu kwani licha ya kufunga mawili, alitoa assist kwa bao lililofungwa na Chico Ushindi
Baada ya kuisaidia Yanga kutwaa ubingwa, kilichobaki kwake ni kuibuka mfungaji bora
Ana michezo mitatu ya kuhakikisha anatimiza adhma yake ya kutwaa kiatu cha dhahabu
Mchezo unaofuata ni dhidi ya Polisi Tanzania, Juni 19 katika uwanja wa Benjamin Mkapa na baadae kuelekea mkoani Mbeya kuikabili Mbeya City Juni 25 kabla ya kurejea jijini Dar es salaam kukamilisha msimu kwa kuikabili Mtibwa Sugar
