Jumatano ni Ubingwa na kupiga kura kwa wingi

Afisa Habari wa Yanga Hassan Bumbuli amewataka mashabiki wa Yanga kuhakikisha wanajitokeza kwa wingi siku ya Jumatano kwenye mchezo wa ligi kuu dhidi ya Coastal Union ambao utapigwa katika uwanja wa Benjamin Mkapa

Mchezo huo ambao utapigwa kuanzia saa 2:30 usiku, utaishuhudia Yanga ikitwaa ubingwa kama itaondoka na matokeo ya ushindi

Aidha Bumbuli amewataka Wananchi kuendelea kuipigia kura timu yao kwa wingi katika shindano la Nani Zaidi dhidi ya watani zao Simba

Akizungumzia shindano hilo, Msemaji wa Yanga Haji Manara, amesema utamaduni wa Yanga ni kushinda tu hivyo wanapaswa kuhakikisha wanapiga kura kwa wingi

Yanga imeitangaza siku ya Jumatano kuwa siku maalum ya Ubingwa na kupiga kura kwa wingi...!