Mtendaji Mkuu wa Yanga Senzo Mazingisa amethibitisha klab hiyo kupokea ofa mbili zinazomuhusu mshambuliaji wao kinara wa mabao Fiston Mayele
Klabu za Kaizer Chiefs na RS Berkane zimewasilisha ofa kumtaka Mayele aliyefunga mabao 14 kwenye ligi mpaka sasa msimu huu
Hata hivyo Senzo amesema klabu haina mpango wa kumuuza Mayele ambaye bado ana mkataba wa mwaka mmoja
"Ni kweli tumepokea ofa mbili, Kaizer Chiefs na Berkane wameonyesha nia ya kumtaka Mayele lakini kama klabu hatumuuzi," alisema Senzo
Yanga imeweka malengo ya kufanya vizuri kwenye michuano ya ligi ya mabingwa barani Afrika msimu ujao
Hivyo ni wazi haitakuwa tayari kuwapoteza wachezaji wake muhimu katika kikosi cha kocha Nasreddine Nabi ambacho kinaelekea kwenda kutwaa ubingwa wa ligi kuu
