Yanga imepania kutangaza ubingwa Juni 15

Wiki ijayo Juni 15 2022, kikosi cha Yanga kitashuka dimba la Benjamin Mkapa kuikabili Coastal Union katika mchezo wa ligi kuu ya NBC raundi ya 27

Huu ni mchezo muhimu kwa Yanga kwani alama tatu zitawahakikishia Wananchi kutwaa ubingwa msimu huu

Wachezaji ambao hawana majukumu ya timu za Taifa wanaendelea na mazoezi makali Avic Town kujiandaa na mchezo huo

Yanga inakabiliwa na michezo miwili muhimu dhidi ya Coastal Union ambayo inaweza kuwapa ubingwa

Baada ya mchezo wa Juni 15, timu hizo zitakutana tena kwenye mchezo wa fainali kombe la Shirikisho la Azam (ASFC) ambao utapigwa uwanja wa Sheikh Amri Abeid, Julai 02