Najituma, nafuata maelekezo ya Walimu - Job

Mlinzi wa kati ya Yanga Dickson Job amesema ubora anaoonyesha uwanjani unatokana na kujituma kwake pamoja na kufuata maelekezo anayopewa na walimu wake

Job ameendelea kuwa na kiwango bora katika klabu ya Yanga na katika timu ya Taifa ambako kwenye safu ya ulinzi anacheza na pacha wake Bakari Nondo Mwamnyeto

Licha ya umbile lake kuwa dogo, Job amefuta ile dhana ambayo baadhi ya watu wameijenga kuwa mlinzi wa kati lazima awe mrefu

Akiwa uwanjani, Job hucheza mipira mingi ya juu mbele ya washambuliaji warefu

"Jambo kubwa ambalo huwa nafanya nikiwa uwanjani ni kujituma na kufuata maelekezo yote ninayopewa na walimu wangu. Pia nashirikiana vizuri na wenzangu" alisema Job