Shirikisho la Soka Barani Afrika (CAF) limewaagiza Wanachama wake kuwasilisha majina ya timu pamoja na wachezaji waliosajiliwa kwa ajili ya michuano ya ligi ya mabingwa na kombe la Shirikisho barani Afrika kabla ya Juni 30 mwaka huu
Taarifa ya CAF imebainisha kuwa hakutakuwa na muda wa nyongeza baada ya tarehe 30 Juni 2022
Yanga tayari imejihakikishia tiketi ya kucheza michuano ya ligi ya mabingwa kama ilivyo kwa watani zao Simba
Tanzania itawakilishwa na timu mbili kwenye michuano ya ligi ya mabingwa na timu mbili kwenye michuano ya kombe la Shirikisho
Bingwa wa ligi kuu na timu itakayoshika nafasi ya pili zitacheza ligi ya mabingwa wakati timu itakayoshika nafasi ya tatu na bingwa wa michuano ya kombe la Shirikisho la Azam (ASFC) zitashiriki kombe la Shirikisho
Kama itatokea bingwa wa ligi kuu ndiye bingwa wa kombe la Shirikisho la Azam, au timu iliyoshika nafasi ya pili kwenye ligi, basi timu itakayomaliza kwenye nafasi ya nne katika msimamo wa ligi itashiriki kombe la Shirikisho
