Licha ya kuwa katika nafasi za chini kwenye msimamo wa ligi, kocha mkuu wa Yanga Nasreddine Nabi amesema wataikabili Biashara United kwa tahadhari kubwa katika mchezo wa ligi kuu utakaopigwa uwanja wa CCM Kirumba Jumatatu
Akizungumza katika Mkutano na Wanahabari kuelekea mchezo huo, Nabi amesema Biashara United wana kikosi kizuri na pengine hawakustahili kuwa katika nafasi waliyopo
Hata hivyo amesema Yanga itaingia katika mchezo huo ikiwa na malengo ya kushinda ili kujiweka katika nafasi nzuri ya kutwaa ubingwa
"Ni mchezo muhimu sana kwetu kupata ushindi. Hata hivyo tunakwenda kukutana na timu ngumu ya Biashara United hivyo tunapaswa kuingia kwa tahadhari kubwa"
"Mechi mbili zilizopita dhidi yao zilikuwa na ushindani hivyo tunatarajia mchezo wa Jumatatu utakuwa hivyo," alisema Nabi
Nabi amesema wako karibu kufikia malengo yao ya kutwaa ubingwa, alama tatu zitazidi kuwaweka karibu na ubingwa huo
Amesema hawataingia katika mchezo huo wakiwa na mawazo ya sherehe za ubingwa, kama itatokea ushindi utawapa ubingwa basi litakuwa jambo zuri kwao lakini kama itakuwa tofauti basi wataendelea na mkakati wao katika mchezo utakaofuata
Leo Geita Gold inachuana na Simba katika mchezo unaopiwa uwanja wa CCM Kirumba. Kama Geita Gold itashinda mchezo huo, Yanga inaweza kutwaa ubingwa kesho iwapo itapata ushindi dhidi ya Biashara United
