Msemaji wa Yanga Haji Manara amewataka wachezaji wa timu hiyo kuhakikisha wanawapa furaha mashabiki wao siku ya leo kwa kuibuka na ushindi katika mchezo wa ligi kuu dhidi ya Tanzania Prisons
Mchezo huo utapigwa uwanja wa Benjamin Mkapa baadae leo kuanzia saa moja usiku
Manara amesema pamoja na kutambua ugumu wa mchezo huo, lakini leo wana kila sababu ya kushinda, wanacheza katika uwanja wa bora wakiwa mbele ya mashabiki wao
"Wananchi leo tunahitaji alama tatu tu, hakuna mjadala, tupo nyumbani katika Uwanja tuliouzoea na tukiwa kamili bila majeruhi"
"Wachezaji wetu tunawaamini na tunawajua uwezo wenu, ndio, Prisons ni timu imara lakini sis ni timu bora mno katika ligi kuu hii"
"Nendeni mkawape amani na furaha Wananchi, nendeni mkacheze soka lenu bila presha, tunahitaji matokeo sahihi jioni ya leo"
"Ubingwa wetu upo mwezi huu, uwezo huo mnao na tunajua mtashinda Insha'Allah," aliandika Manara kwenye ukurasa wake wa mtandao wa kijamii
