Ni Jumatatu May 09 uwanja wa Benjamin Mkapa

Mchezo wa ligi kuu ya NBC kati ya Yanga dhidi ya Tanzania Prisons utapigwa Jumatatu, May 09 katika uwanja wa Benjamin Mkapa. Mchezo huo utaunguruma kuanzia saa moja usiku

Baada ya kufanikiwa kuondoka na alama moja katika mchezo uliopita dhidi ya Ruvu Shooting, mchezo dhidi ya Prisons ni kama fainali kwa Yanga kuhakikisha inaondoka na alama zote tatu

Yanga inaendelea na msako wa alama 15 ambazo zitawahakikishia kutwaa ubingwa wa ligi kuu msimu huu

Timu hizo zilipokutana kwenye mchezo wa duru ya kwanza kule Sumbawanga, Yanga ilifanikiwa kuibuka na ushindi wa mabao 2-1, mabao ya Feisal Salum 'Fei Toto' na Khalid Aucho