Juzi Mkurugenzi wa Uwekezaji GSM Injinia Hersi Said akiwa na Kocha Msaidizi Cedric Kaze walionekana huko Rwanda wakishuhudia moja ya mechi za ligi kuu iliyoihusisha klabu ya Kiyovu Sport
Jambo lililozungumzwa zaidi ni tetesi zinazowahusisha nyota wa Kiyovu Sport viungo Abeid Bigirimana na Ismail Pitchou wanaotajwa kuwaniwa na Yanga
Hata hivyo hilo sio jambo pekee lililompeleka Injinia Hersi Rwanda kwani amekuwa na mazungumzo na klabu kadhaa ambazo Yanga inakusudia kushirikiana nazo
Ikumbukwe Yanga imefanya Mabadiliko ya mfumo wake wa uendeshaji, Mabadiliko ambayo yamegharamiwa na GSM kwa asilimia 100
Zipo klabu ambazo zimevutiwa na mchakato huo na zingependa kushirikiana na Yanga kuona zinaweza kufanikiwa vipi
Pamoja na kufanya mazungumzo na Kiyovu Sport, Injinia Hersi pia alifanya mazungumzo na klabu ya Rayon Sport ya hukohuko Rwanda
Kwa sasa katika ukanda wa Afrika Mashariki Yanga inatizamwa kama klabu ya mfano, klabu nyingine zikitamani kujifunza kutoka kwao
