April 23 2021 uwanja wa Benjamin Mkapa ulipigwa mchezo wa duru ya pili ligi kuu ya Tanzania bara kati ya Yanga dhidi ya Azam Fc, mchezo huo ukimalizika kwa Azam Fc kuibuka na ushindi wa bao 1-0
Ulikuwa mchezo wa kwanza kwa kocha mkuu wa Yanga Nasreddine Nabi ambaye ndio kwanza alikuwa amesaini mkataba na Wananchi
Huo ndio mchezo pekee ambao Nabi amepoteza kwenye ligi kuu tangu alipojiunga na Yanga
Kama leo Yanga itaibuka na ushindi dhidi ya Azam Fc au hata kutoka sare, Nabi ataweka rekodi ya aina yake pamoja na kikosi cha Yanga
Wananchi watakuwa wamedumu zaidi ya siku 360 pasipo kupoteza mchezo kwenye ligi. Baada ya mchezo wa leo, mchezo utakaofuata ligi kuu ni dhidi ya Simba utapigwa April 30
Leo Yanga haisaki ushindi tu, bali inawania rekodi ya aina yake ambayo kwa hakika inadhihirisha ni kwa kiasi gani Wananchi wamedhamiria msimu huu
Yanga ni klabu pekee ambayo haijapoteza mchezo katika msimu huu
