Mali ilianza vibaya harakati za kuwania tiketi ya fainali za michuano ya kombe la Dunia baada kukubali kipigo cha bao 1-0 kutoka kwa Tunisia katika mchezo wa kwanza wa play-off uliopigwa Mali
Mlinda lango wa Yanga Djigui Diarra yuko katika kikosi cha Mali ambacho kinalazimika kwenda kupata ushindi katika mchezo wa marudiano siku ya Jumanne huko Tunisia
Diarra amesema pamoja na kufungwa mchezo wa kwanza, bado hawajashindwa vita, wanakwenda kuipigania nchi yao huko Tunisia
"Tuliwapa majonzi mashabiki wetu baada ya kupoteza mchezo wa kwanza nyumbani, lakini hatuajakata tamaa, tunakwenda kuipigania nchi yetu huko Tunisia, Mwenye ez Mungu atatusaidia Inshallah," alisema Diarra
Diarra alikuwa sehemu ya kikosi cha Mali kilichoshiriki michuano ya kombe la Dunia (Vijana) mwaka 2015
Timu hiyo inasaka tiketi ya kushiriki michuano hiyo kwa wakubwa kwa mara ya kwanza
