Kiungo mwandamizi katika kikosi cha Yanga Deus Kaseke amesema ataendelea kupambana kuhakikisha anapata nafasi ya kucheza katika kikosi cha kocha Nasreddine Nabi
Msimu huu umekuwa mgumu kwa Kaseke ambaye msimu uliopita alikuwa miongoni mwa wachezaji walion'gara katika kikosi cha Yanga
Kaseke ambaye alijiunga na Yanga msimu wa 2014/15 akitokea klabu ya Mbeya City, amesema anatambua maboresho yaliyofanywa yameongeza ushindani, lakini hilo haliwezi kumkatisha tamaa atazidi kupambana kupigania nafasi yake uwanjani.
"Kocha ndio mwenye kujua mchango na uwezo wa kila mchezaji, na ukizingatia timu ina wachezaji wengi hatuwezi kucheza wote lazima tupishane," alisema Kaseke
Kaseke ndio mchezaji pekee aliyebakia kwenye kikosi cha Yanga kilichobeba ubingwa wa mwisho wa ligi kuu ya Tanzania bara msimu wa 2016/17
