Kiungo mahiri wa Yanga Salum Abubakar 'Sure Boy' sio miongoni mwa wachezaji 28 walioitwa timu ya Taifa ya Tanzania 'Taifa Stars' kwa ajili ya mechi za kirafiki wakati huu wa mapumziko ya kalenda ya FIFA
Tanzania itacheza michezo miwili ya kirafiki dhidi ya Afrika ya Kati na Sudan
Sure Boy amekuwa katika kiwango bora sana tangu aliposajiliwa na Yanga mwezi Januari 2022 ukiwa ni usajili wa dirisha dogo akitokea klabu ya Azam Fc
Maswali yamekuwa mengi kwa nini fundi huyu wa mpira hajajumishwa katika kikosi cha Stars ambacho mwezi Juni kitaanza kampeni ya kusaka tiketi ya kufuzu michuano ya Afcon 2023
Bila shaka kocha Kim Poulsen amesikia maoni ya wadau wengi waliotamani kumuona Sure Boy katika kikosi chake
Sure Boy ni mchezaji mwandamizi na mwenye uzoefu mkubwa na zaidi anafanya vizuri sana katika kikosi cha Yanga
Katika ligi kuu ya NBC, Sureboy anaweza kuwa kiungo anayefanya vizuri zaidi kwa sasa katika nafasi yake
