Leo Machi 19 2022, ni kilele cha Maadhimisho ya Mwaka Mmoja wa Rais wa Jamhuri ya Muungano wa Tanzania Mama Samia Suluhu Hassan tangu alipoingia katika uongozi wa Taifa hili tarehe kama ya leo mwaka 2021 baada ya kifo cha aliyekuwa Rais wa Awamu ya Tano Hayati Dk John Magufuli
Yanga imeungana na Watanzania wote wanaoadhimisha siku hii kwa kuandaa matukio mbalimbali ambayo yatahitimishwa pale uwanja wa Benjamin Mkapa kwa mchezo wa ligi kuu dhidi ya KMC
Asubuhi kuna zoezi la kufanya usafi ndani ya Jiji la Dar es salaam ambapo viongozi, wanachama na mashabiki wa Yanga watafanya usafi Makao Makuu ya klabu hiyo yaliyo katika mitaa ya Twiga na Jangwani
Baadae shamrashamra zitaelekea uwanja wa Benjamin Mkapa, ambapo kutakuwa na burudani za aina mbalimbali kutoka kwa wasanii ikiwa ni pamoja na michezo ya utangulizi
Kina dada wa Yanga Princess wakichuana na wenzao wa Ilala Queens. Pia kutakuwa na mchezo kati ya Viongozi wa Yanga wakiunda timu pamoja na wadhamini wao dhidi ya Wasanii wa sanaa zote wakiwa pia wameunda timu yao
Shamrashamra zitakazojiri uwanja wa Benjamin Mkapa leo hazina tofauti na zile zinazojili kwenye matukio ya kilele cha wiki ya Mwananchi
