Kocha Mkuu wa Yanga Nasreddine Nabi amesisitiza kuwa waamuzi wanapaswa kulinda afya za wachezaji
Yanga imekabiliwa na wimbi la majeruhi ambapo kila mchezo kuna wachezaji wanaumia Nabi akitoa malamiko kuwa wachezaji wake wanakamiwa
Katika mchezo dhidi ya Geita Gold Fiston Mayele alishindwa kumaliza mchezo huo baada ya kuumizwa ingawa hayakuwa majeraha makubwa
Nabi amesema katika mchezo huo wachezaji wake walitendewa rafu nyingi lakini waamuzi hawakuchukua hatua stahiki kwa waliofanya vitendo hivyo
"Mchezaji anafanya madhambi hatarishi lakini mwamuzi anaishia kumpa kadi ya njano tu, hii sio sawa. Sisemi hili kwa ajili ya wachezaji wangu tu, bali ni kwa wachezaji wote, waamuzi wana jukumu la kulinda afya zao," alisema Nabi
Tukio la mshambuliaji George Mpole kumkanyaga Dickson Job wengi wanaamini mwamuzi alistahili kutoa kadi nyekundu kutokana na aina ya rafu aliyofanya
Msemaji wa Yanga Haji Manara amesema anaamini mamlaka za usimamizi wa soka zitachukua hatua kwa tukio lile kupitia kamati ya saa 72
