Kocha Mkuu wa Yanga Nasreddine Nabi amesema mchezo wa leo dhidi ya Geita Gold ulihitaji mbinu zaidi kwani walihitaji ushindi licha ya changamoto zilizokuwa zikiwakabili
Katika mchezo huo bao la Fiston Mayele alilofunga kwenye sekunde ya 30, liliihakikishia Yanga alama tatu muhimu zinazowaweka kileleni mwa msimamo wa ligi kwa tofauti ya alama 11
Takwimu za dakika 90 za mchezo huo, zinaonyesha Geita Gold walikuwa na umiliki zaidi wa mpira kuliko Yanga
Nabi amesema baada ya kupata bao la mapema, walijua Geita Gold wangekuja juu kusaka bao la kusawazisha hivyo walilazimika kucheza kwa nidhamu zaidi katika kujilinda
Aidha Nabi amesema kukosekana kwa baadhi ya wachezaji, ilimlazimu kubadili mbinu za mchezo huo ili kuhakikisha wanatimiza malengo ya kupata ushindi
"Tulifunga goli la mapema ambalo liliwafanya Geita kuanza kushambulia zaidi, nikaamua kuipanga timu yangu icheze kwa kulinda ushindi ili kupata alama tatu muhimu"
"Tuna majeruhi wengi na imefika wakati wa kucheza kimbinu kusaka ushindi," alisema Nabi ambaye leo ametangazwa kuwa kocha bora wa ligi kuu kwa mwezi Februari 2022
