Waziri wa Utamaduni, Sanaa na Michezo Mohammed Mchengerwa amesema Serikali inakusudia kufunga machine za Kisasa za kufuatilia mchezo (VAR) ili kuondoa Changamoto zinazojitokeza Wakati mchezo Ukiendelea.
Mchengerwa ametoa kauli hiyo Jijini Dar es Salaam leo alipokutana na Viongozi wa Shirikisho la Mpira wa Miguu nchini TFF.
"Tunajipanga kuwa na vyombo vya Ufuatiliaji wakati mchezo ukiendelea, tutaanza na viwanja vitano ukiwa ni mpango wa Serikali ambao tumeufikiria kwa Sababu tunaenda kufanya maboresho ya miundombinu kwenye viwanja vyetu," amesema Mchengerwa
Aidha Waziri Mchengelwa amesema Serikali imeliagiza Baraza la Michezo la Taifa (BMT) na TFF wamalize changamoto ya waamuzi wanaochezesha pasipo kufuata maadili ya kazi yao
"Kamati inayohusika na Waamuzi ijitafakari, hili suala tunawaachia TFF walimalize, lakini kama Wizara tunaiagiza BMT kukaa pamoja na TFF ili kuangalia namna ya kuondoa changamoto ya Waamuzi ambao hawazingatii Maadili"
"Pia TFF iandae Semina kwa Waamuzi wa mpira wa miguu ambapo pia Wenzetu wa Takukuru nao wawepo ili kutoa Elimu"
