Kocha Mkuu wa Yanga Nasreddine Nabi amesema ana imani kubwa na vinaja aliowasajili katiak dirisha dogo la usajili
Nabi amesema nyota hao hawapaswi kubweteka baada ya kusajiliwa na Yanga, anahitaji kuwaona wakipambana kuhakikisha wanapata nafasi ya kuanza kwenye kikosi cha kwanza
Miongoni mwa wachezaji waliosajiliwa dirisha dogo ni pamoja na winga Denis Nkane kutoka Biashara United, Chrispine Ngushi kutoka Mbeya Kwanza, Aboutwalib Mshery kutoka Mtibwa Sugar na Ibrahim Bacca kutoka KMKM
Aidha katika dirisha hilo Yanga pia iliwasajiili mkongwe Salum Abubakar kutoka Azam Fc na Chico Ushindi kutoka TP Mazembe
Nabi amesema wachezaji wote wanapaswa kuonyesha ubora wao ili kudhihirisha kuwa benchi la ufundi halikufanya makosa kuwasajili
Aidha akimzungumzia kinda Denis Nkane ambaye alifanya vizuri kwenye michuano ya kombe la Mapinduzi kule visiwani Zanzibar, Nabi amesema Nkane alipata majeraha lakini hata hivyo amemtaka apambane zaidi
"Napenda kufanya kazi na vijana, unajua vijana wana nguvu, najua Nkane ana maumivu lakini bado sijaridhika na mwanzo wake katika timu, alianza vizuri lakini baada ya kufunga kule Zanzibar kuna aina ya maisha ya kuridhika yamemuingia akilini"
"Hii sio nzuri kwake nimemwambia yeye bado ni mchezaji mchanga asidhani ni staa mkubwa. Yanga imemuamini kuja hapa, anachotakiwa ni kuthibitisha kwamba sisi makocha hatukukosea kumleta hapa. Anatakiwa kupigania namba kwa nguvu na sio kuwa wa kawaida tena," alisema Nabi
