Nabi na rekodi ya kibabe Ligi Kuu

Unafikiri wanakosea kumuita Profesa Nasreddine Nabi? Huyu ni Prof kweli wa soka!

Mchezo wake wa kwanza msimu uliopita baada ya kujiunga na Yanga, ulikuwa dhidi ya Azam Fc, ulipigwa April 25 2021, Yanga ilipoteza kwa kufungwa bao 1-0

Tangu wakati huo Yanga haijapoteza mchezo wowote katika ligi kuu ikiwa kwenye mikono ya Prof Nabi

Ukichukua takwimu za kuanzia msimu uliopita baada ya kupoteza mchezo dhidi ya Azam Fc, Wananchi wamecheza mechi 20 pasipo kupoteza!

Katika michezo hiyo, ushindi ni mechi 16 na sare ni michezo minne. Jumla ya mabao yaliyofungwa ni 34 na kuruhusu mabao nane

Katika michezo yote kuna cleansheet 14, yaani mechi ambazo Yanga haikuruhusu bao

Chini ya Nabi Yanga imekuwa bora sana, ni timu isiyofungika kirahisi rahisi tu