Winga mpya wa Yanga Chico Ushindi anaweza kuwa sehemu ya kikosi kitakachoikabili Polisi Tanzania katika mchezo wa ligi kuu ya NBC utakaopigwa uwanja wa Sheikh Amri Abeid baadae leo
Baada ya kuonyesha kiwango kizuri katika mchezo wa kirafiki dhidi ya Mbuni Fc akicheza dakika chache, leo anaweza kupata dakika nyingi zaidi
Kocha Mkuu wa Yanga Nasreddine Nabi katika Mkutano na Wanahabari jana, alisema atatumia mazoezi ya mwisho jana jioni kuona kama anaweza kumtumia winga huyo leo au la
Chico yuko timamu kiafya na alifanya mazoezi ya mwisho kikamilifu na wenzake
Kuna wasiwasi juu utimamu wa kiungo Feisal Salim ambaye alipata majeraha mazoezini, kama hatakuwa sehemu ya kikosi leo, ni wazi Chico anaweza kuwa na nafasi ya kuanza huku Saido akisogea kati nafasi ya Feisal
Chico ametua Yanga katika dirisha dogo la usajili akitokea klabu ya TP Mazembe, na alikuwa na mwanzo mzuri katika mchezo wa kirafiki dhidi ya Mbuni Fc
Katika mchezo huo alisababisha mkwaju wa penati uliopelekea bao la pili la Yanga, kwenye mchezo uliopigwa uwanja wa Sheikh Amri Abeid na Yanga kuibuka na ushindi wa mabao 2-0
