Kiungo Mukoko Tonombe anatarajia kusafiri mkoani Arusha kuungana na kikosi cha Yanga kinachojiandaa na mchezo wa ligi kuu dhidi ya Polisi Tanzania ambao utapigwa January 23 latika uwanja wa Ushirika
Mukoko alibaki jijini Dar es salaam kwa ajili ya kukamilisha taratibu za kujiunga na TP Mazembe hata hivyo mchakato huo umekwama, imefahamika
TP Mazembe na Mukoko wameshindwa kufikia makubaliano juu ya maslahi yake huku Mukoko mwenyewe akiwa bado anapenda kuendelea kuitumikia Yanga mpaka pale mkataba wake utakapomalizika
Baada ya Mukoko kufanya mazungumzo na Mwenyekiti wa Makampuni ya GSM, Ghalib Said Mohammed 'The Big Boss', amehakikishiwa kuwa ataendelea kubaki mpaka mkataba wake utakapomalizika na kuwa mazungumzo ya mkataba mpya yanaweza kufanyika mwishoni mwa msimu
