Kaze kuiongoza Yanga Mapinduzi Cup

Wakati Kocha Mkuu wa Yanga Nasreddine Nabi akielekea Ubelgiji kwa ajili ya mapumziko ya siku chache, vinara hao wa ligi kuu wanatarajiwa kuondoka wakati wowote kuelekea visiwani Zanzibar kushiriki michuano ya kombe la Mapinduzi

Nabi aliondoka nchini jana kwenda Ubelgiji kuona familia baada ya kuwa nchini kwa takribani miezi mitano

Kocha Msaidizi Cedric Kaze ambaye mwaka jana aliiongoza Yanga kutwaa ubingwa wa Mapinduzi, atakuwa na jukumu la kuhakikisha anatetea ubingwa huo

Yanga itashuka dimbani kucheza mchezo wa kwanza siku ya Jumatano, Januari 05 dhidi ya Taifa ya Jan'gombe