Kiungo wa Yanga, Saido Ntibazonkiza, amesema wanataendelea kupambana kuhakikisha wanatimiza lengo la kuwa mabingwa wa ligi kuu ya NBC msimu huu
Baada ya kuifunga Tanzania Prisons Jumapili, Yanga imeendelea kukaa kileleni mwa msimamo wa Ligi Kuu kwa kufikisha alama 23, ikifuatiwa na Simba yenye pointi 18.
Saido ambaye alisajiliwa Yanga wakati wa dirisha dogo msimu wa 2020/21, amesema wanaendelea kupambana ili kufanikisha azma ya kutwaa ubingwa na kasi waliyonayo sasa inawaaminisha hakuna cha kuwazuia.
"Bado mapambano yanaendelea na tutapambana kwa jasho kupata ushindi ili kufikia lengo la kutwaa ubingwa"
"Mashabiki wanapenda kuona sisi tunashinda mechi zetu hili hata sisi tunalipenda pia, kwani ili kupata pointi tatu ni lazima kushinda pale ambapo tunacheza, tunaamini kwamba tutafanya vizuri," alisema Saido
Katika mabao 14 ambayo yamefungwa na Yanga kwenye michezo ya Ligi Kuu, Saido ametupia mabao mawili na ana pasi moja ya bao
Tangu arejeshwe kwenye kikosi cha kwanza baada ya Yacouba Songne kuumia, Saido amekuwa katika kiwango bora
