Mshambuliaji wa Yanga Heritier Makambo jana aliweka kambani mabao matatu na kuondoka na mpira katika mchezo wa raundi ya tatu kombe la FA dhidi ya Ihefu Fc, Yanga ikiondoka na ushindi wa mabao 4-0
Msimu huu, Makambo amekuwa na wakati mgumu kupata nafasi mbele ya Fiston Mayele lakini ametumia vyema nafasi aliyopewa dhidi ya Ihefu Fc
Ni wazi Makambo amewapa maswali benchi la ufundi, ana nafasi nzuri kuanza katika mchezo ujao wa ligi kuu dhidi ya Tanzania Prisons ambao utapigwa Disemba 19 uwanja wa Nelson Mandela, Sumbawanga
Makambo amesema alikuwa katika nyakati ngumu lakini sasa mabao hayo aliyofunga yatamuongezea kujiamini
"Nashukuru leo nimeweza kufunga mabao matatu, ni ushindi wa timu nzima. Kama mshambuliaji nilikuwa nikipita katika kipindi kigumu lakini naamini baada ya mabao haya, nitaendelea kufunga kwenye michezo ijayo," alisema Makambo
