Mchakato wa Mabadiliko Yanga unaelekea hatua ya mwisho

Serikali ya Jamhuri ya Muungano wa Tanzania imeridhia mabadiliko ya Katiba ya Yanga yaliyofanywa kwenye Mkutano Mkuu wa Wanachama mapema mwaka huu

Hatua hiyo ya Serikali inatoa nafasi kwa mchakato wa kuunda mfumo mpya wa Uendeshaji kuanza rasmi

Sasa Yanga inakwenda kwenye mfumo wa Uwekezaji ambapo Wanachama watabaki na hisa asilimia 51 huku asilimia 49 zikienda kwa wawekezaji

Ili kuepuka sintofahamu kama iliyotokea kwa watani zao Simba wakati wanabadili mfumo wao, Yanga imeishirikisha Serikali hatua kwa hatua ili kuhakikisha mchakato wake unafanyika kwa mujibu wa matakwa ya Sheria