Mashindano ya Kombe la Mapinduzi 2022 yanatarajiwa kuanza rasmi January 2, 2022 kwenye Uwanja wa Amaan ambapo jumla ya timu 10 zitashiriki katika Mashindano hayo
Kwa mujibu wa Taarifa iliyotolewa na Mwenyekiti wa Kamati ya Mashindano Imane Duwe amesema Mashindano hayo yamejumuisha timu 10, nne kutoka Tanzania bara ambazo ni Yanga (Mabingwa Watetezi), Simba, Azam na Namungo huku timu 6 zikitarajiwa kutoka Zanzibar ambazo ni KMKM, Mlandege, Taifa ya Jang'ombe, Meli nne City, Selem View na Yosso Boys.
Amesema wanatarajia kuyapanga makundi 3 ambapo kila kundi litakuwa na timu 4 huku wakisubiria uthibitisho wa mwisho ili kuyapanga makundi hayo matatu.
Yanga ndio Mabingwa Watetezi wa Mashindano hayo kufuatia kuwafunga Simba kwa penalty 4-3 baada ya dakika 90 kutoka sare ya 0-0 Fainali iliyochezwa January 13 mwaka huu (2021)
