Jana Wananchi wamedhihirisha wako imara kama timu baada ya kuonyesha kiwango bora katika mchezo dhidi ya Mbeya Kwanza na kuibuka na ushindi wa mabao 2-0 katika mchezo uliopigwa uwanja wa Sokoine
Katika kikosi kilichoanza mchezo huo, kilikuwa na mabadiliko ya wachezaji watano
Yacouba Songne, Jesus Moloko, Khalid Aucho, Yannick Bangala na Kibwana Shomari walikosekana nafasi zao zikichukuliwa na Saido Ntibazonkiza, Deus Kaseke, Zawadi Mauya, Mukoko Tonombe na David Bryson
Wengi walikuwa na mashaka kwenye eneo la kiungo baada ya Aucho na Bangala kukosekana lakini ubora aliouonyesha Mukoko kwenye mchezo huo ni wazi amerejesha imani ya mashabiki kwake
Mukoko aliuanza taratibu msimu huu lakini amefanya kazi kubwa kwenye vyumba vya mazoezi, sasa yuko imara kama chuma!
