Kiungo Mapinduzi Balama sasa amepona kabisa baada ya kuanza kushiriki mazoezi ya Yanga ikiwa na zaidi ya miezi 18 tangu alipovunjika kifundo cha mguu
Kocha wa viungo wa Yanga, Helmy Gueldich amesema Balama ameweza kufanya mazoezi vizuri kwa masaa mawili akiwa na kikosi kizima cha timu hiyo inayongoza msimamo wa ligi.
"Kila mtu amefarijika kumuona (Balama) akicheza kwa muda sasa alikuwa akifanya mazoezi maalum katika programu aliyokuwa anapewa, lakini sasa ameanza mazoezi na timu nzima,” alisema Helmy.
"Wengi tulisubiri kuona hili nadhani daktari Youssef (Mohamed) amefanya kazi nzuri ambayo sasa itamfanya Balama kurejea kuitumikia klabu kwa wakati mwingine,” alisema
Balama aliumia takribani mwishoni mwa msimu wa 2019/20 (Juni 2020), wakati akiwa mazoezini, akivunjika kifundo cha mguu wa kushoto na kulazimika kufanyiwa upasuaji nchini Afrika Kusini.
