Kocha Msadizi wa Yanga Cedric Kaze amesema wamedhamiria kuendeleza wimbi la ushindi kwenye ligi licha ya ugumu wa Namungo Fc ambao watacheza nao Jumamosi
Yanga imeondoka leo kuelekea Lindi tayari kwa mchezo huo ambao utapigwa uwanja wa Ilulu
Kaze amesema waliwafuatilia Namungo Fc kwenye mchezo wao uliopita dhidi ya Simba, wamebaini ni timu nzuri
"Ni timu yenye uwezo mzuri wa kujilinda na kukaa na mpira. Tuliwaona mechi na Simba walivyokuwa na moyo wa kujituma muda wote wa mchezo"
"Tunapaswa kuwa makini ili kuweza kupata ushindi dhidi yao Jumamosi," alisema Kaze
Yanga iko kileleni mwa msimamo wa ligi ikiwa na alama 15 baada ya kushinda mechi zote tano
Ni mtihani mwingine kwa Kocha Nasreddine Nabi na vijana wake kuendeleza rekodi waliyoanza nayo msimu huu
Michezo minne liyopita kwenye ligi baina ya timu hizo yote ilimalizika kwa matokeo ya sare
Lakini safari hii Wananchi wamepania kuondoka na alama zote tatu mkoani Lindi
